Como aición pa democratizar y facer más participativo nel futuru a Ubuntu-ast, convocamos la primer tanda de quienes serán los primeros Miembros Oficiales d'Ubuntu-ast.

¿Qué significa eso? : P Pues si yes de los miembros más activos d'Ubuntu-ast puedes presentate pa ser declaráu Miembru Oficial Ubuntu-ast, lo qu'implica:

• Ser reconocíu oficial y públicamente como ún de los collaboradores más importantes.
• Disponer d'un email @ubuntu-ast.org.
• Tener drechu a voz.
• Tener drechu a votu pa conformar el Conseyu Ubuntu-ast.
• Poder ser alministrador de dalguna seición.

Si quies presentate apúntate na axenda y crea una wiki personal pa la siguiente asamblea (será online per chat).
Tienes tola información sobre'l procesu equí. Si tienes duldes, tanto del procesu como pa crear la wiki personal, avísanos

Hai muncha documentación y enllaces, pero pocos resumíos y reuníos nun sólo enllaz, dende equí, la nuestra contribución.

Motivos pa usar software llibre:

Pa ti

• Aforru:
  • El preciu suel tender a cero.
• Llegalidá:
  • 100% Llegal, tanto'l so usu como distribución.
• Disponibilidá:
  • Más de 30.000 aplicaciones disponibles.
• Estabilidá:
  • Años y años ensin problemes.
• Compatibilidá:
  • Los programes son compatibles ente versiones, si por exemplo anovamos el procesador de testos nun tendremos problemes al abrir documentos fechos con versiones anteriores.
  • Los programes tamién son compatibles ente sí, por exemplu podemos usar distintos editores de testu pal mesmu documentu, esto deriva en nun tener problemes colos nuestros datos.
  • Incluso los programes son compatibles ente distintes plataformes.
• Accesible:
  • Pa toos, adaptáu a persones con discapacidaes.
• Personalización:
  • Pon l'aspeutu al to gustu con una personalización total.
• Internacionalización:
  • Tieneslu na to llingua.
  • Un mesmu ordenador puede tener varios idiomes, pudiendo usalu varios usuarios cada un na so llingua.
• Seguridá:
  • Ensin virus.
  • Reacción ante problemes de seguridá mui rápida, incluso n'hores.
  • Anovamientos diarios y de baldre.
• Participación:
  • Ye posible sentir el software llibre como dalgo propio si un s'anima a participar na Comunidá. Si nun se sabe programar, esto puede consistir n'informar d'un fallu, tornar o completar l'ayuda d'un programa, o en proponer nueves característiques a los autores, pero'l llímite realmente lo pon cada persona. Sentise partícipe, n'igualdá de condiciones, con una Comunidad de xente de tol mundu dispuesta a escuchar y ayudar a los demás.

Na escuela

• Aforru económicu:
  • Copies de baldre y 100% llegales pa tolos ordenadores y facilita que l'escolín disponga na so casa de les mesmes ferramientes educatives qu'usen nel so centru educativu.
  • Abaratamientu y optimización del caltenimientu y la xestión de los centros educativos.
• Ferramientes adaptaes a la realidá del alumnáu:
  • Distribuciones adaptaes a la educación, como Edubuntu, especialmente camentaes nos escolinos y profesoráu.
• Evoluciona rápidamente:
  • Permite deprender la teunoloxía más actual.
• Educación moral:
  • Enseñar a los escolinos a ser ciudadanos d'una sociedá llibre, capaz, independiente y de cooperación.
  • Ayudar a la sociedá a llibrase del dominiu (y abusu) de les megacorporaciones.
  • Nun enseñar dependencia teunolóxica.
  • Deprender cómo furrula realmente'l software, saciando la curiosidá de los escolinos.
  • Anima a toos a deprender y que deprendan tanto como quieran saber, ensin llímites con un conocimientu compartíu.

La empresa

• Aforru llicencies y hardware:
  • Eliminación del pagu de llicencies por SO, aplicaciones Office y antivirus.
  • Más de 30.000 Aplicaciones llibres disponibles.
  • Alto aforru n'hardware. Nun desechar equipos válidos.
  • Software 100% llegal
• Escelente con cliente llixeros:
  • Personalizable.
  • Capable.
  • Seguridá pa sirvidores y sobremeses.
• Sofitu empresarial:
  • Atención 24x7 más accesible.
  • Servicios too nún: sofitu, xestión del sistema, asesoramientu llegal y accesu al conocimientu base.
    Sofitu pa tol sistema o en parte.
  • Anovamientos de baldre con continues meyoras pa garantizar meyores y aumentar la seguridá.
  • Formación y abaratamientu al másimu.
• Xestión simple escritoriu:
  • Xestión remota.
  • Eficiencia n'alministración d'equipos.
• Escalabilidá:
  • Crecimientu según necesidaes.
  • Personalización a nueves funcionalidaes.
• Seguridá:
  • Ensin virus.
  • Ensin reducción del rendimientu por software antivirus.
  • Ensin backports.
• Independencia:
  • Llibertá d'eleición de proveedores tecnolóxicos.
  • Independencia d'esixencies por proveedores.
  • Anovamientos de baldre pa siempre.
  • Propiedá de los datos.
  • Software de fácil accesu.
• Migración de baxo riesgu:
  • Execución simultánea d'un sistema llibre y otro privativu cuanto tiempo s'estime necesariu.
• Interface mui intuitiva:
  • Configuración cenciella pa una apariencia como'l software propietariu.
  • Baxos costes d'adaptación.
• Teunoloxía que lleva a productividá:
  • Superioridá teunolóxica conlleva a mayor productivá al usuariu final.

Si remembres de dalguna que se nos escaeciere, amiestala nos comentarios por favor. Gracies.

Referencies útiles:

• Hogar:
  • Explicación muy sencilla para entender qué es software libre por Ubuntu-ast.
  • ¿Por qué utilizar software libre? por Púlsar.
  • La Definición de Software Libre por FSF.
  • ¿Por qué usar programas abiertos? por HispaLinux.
  • ¿Por qué usar software libre? por Informática Verde.
  • ¿Está el Software Libre listo para ti? por Hilillos-blog.
  • ¿Por qué Ubuntu? de Ubuntu-ast.
• Educación:
  • Por qué las escuelas deberían usar exclusivamente software libre por la FSF.
  • 10 razones para el uso de Software de Fuentes Abiertas en la Educación por Cenatic.
  • Razones para usar software libre en educación por TICs y Educación.
  • Recursos educativos: Gleducar.
• Empresa:
  • 10 Razones para migrar a Ubuntu por Canonical.
  • 10 razones para que los autónomos usen Software Libre por Cenatic.
  • Directorio de software para PYMEs: OpenPYME.

Tratase d'una oportunidá pa toa persona que quiera incluyir el so trabayu como fondu de pantalla na instalación por defeutu d'Ubuntu. Ye dicir, cuando camudes el fondu de pantalla verás varies imáxenes preinstalaes, la tuya podría ser parte d'estes imáxenes por defeutu.
Pueden ser tanto imáxenes fotográfiques como ilustraciones.

Tienes de plazu fasta'l 11 d'Agostu del 2011, a les 12:00PM.

Enllaces:
Información oficial y requisitos de la imaxen: https://wiki.ubuntu.com/Artwork/Documentation/Backgrounds
Galería actual: http://www.flickr.com/groups/oneiric-wallpaper-submissions/
Vía: OMG Ubuntu.

Día soleyeru en Mieres, incluyendo concentración de motos, bona sidra y por supuesto un vermú prestosu